Язгы чакырылыш уңышлы тәмамланды

2016 елның хәрби хезмәткә язгы чакырылышы уңышлы төгәлләнде. Барлык чакырылучыларның 74,50% ы хәрби хезмәткә яраклы дип табылган. Бу чакырылышта Татарстаннан Президент полкына - 210, Преображенский полкына - 19 егет җибәрелгән. Республика Россия төбәкләре арасында "Иң яхшы хәрби учет алып баручы" конкурсында беренче урынны алган. Агымдагы елның июлендә үсеп килүче буынга хәрби-патриотик тәрбия бирү максатында "Юнармия" Бөтенроссия балалар-яшүсмерләр хәрби-патриотик иҗтимагый хәрәкәте оешкан.