Яшьләрнең дә үз парламенты

автор, 22 апрель 2015 - 15:33

608

21 апрель көнне "Мизгел" яшьләр үзәгендә Мөслим муниципаль районы яшьләр җәмәгать парламентының икенче киңәйтелгән утырышы узды. Парламент вәкилләре, төрле тармакта хезмәт куючылар, "Искра" активистлар хәрәкәте егет-кызлары - барлыгы 56 кеше Бөек Җиңүнең 70-еллыгына багышлап үткәрелүче чаралар турында фикер алышты.

18 яшьтән алып 35 яшькә кадәрге барлык яшьләрне берләштергән яшьләр җәмәгать парламенты инде икенче тапкыр киңәйтелгән утырышка җыела. Бу көнне алар район үзәгендә эшләп килүче "Мизгел" яшьләр үзәге һәм "ФОРПОСТ" яшьләр берләшмәләренең эшчәнлеге турында сөйләште.