Яшь инспекторлар ярышты

Унсигез мәктәптән килгән катнашучылар биш этап­та ярышты. Алар юл хәрәкәте кагыйдәләрен белү, ме­дицина ярдәме күрсәтү, автошәһәрчектә велосипедта йөрү күнекмәләрен күрсәтте. Агитбригадалар чыгышы да булды.

Гомумкоманда зачетында беренче урынны конкурсны ка­бул иткән мәктәп командасы – Мөслим урта мәктәбенең яшь инспекторлары яулады. Икенче урында – лицейлылар. Өченче урын Тойгелде төп мәктәбе ко­мандасына бирелде. Олычакма­клылар һәм түбәнтабынлылар дүртенче-бишенче урыннарны бүлештеләр.

Шәхси беренчелектә дә урыннар билгеләнде. Агитбри­гадалар конкурсында беренче урын – гимназия командасын­да. Лицей һәм Мөслим урта, Рус Шуган төп мәктәпләре коман­далары – икенче-өченче урын­нарда.

Барлык җиңүчеләргә дә конкурсны оештыручыларның – район ЮХИДИ бүлеге һәм “Юл хәрәкәте иминлеге” дәүләт бюджет учреждениесенең Сар­ман районындагы бүлегенең истәлекле бүләкләре тапшы­рылды. Башка катнашучылар, юл хәрәкәте яшь инспекторла­ры җитәкчеләре дә бүләксез калмады – аларга яктылык кай­таручы элементлар һәм блок­нотлар бирелде.