Янгыннар кимеми

16 ноябрь көнне районда ике янгын очрагы теркәлде. Кичке 7 сәгатьләр тирәсендә Катмыш белән Мәлләтамак арасындагы басуга ут каба. Билгесез зат машина белән олы юлдан барганда тәмәке төпчеге ыргыткан, нәтиҗәдә басуны ялкын камап алган. Икенче янгын ашлык кабул итү һәм эшкәртү предприятиесендә кичке 9.00 сәгатьтән соң башлана. Предприятиенең киптерү җайланмасында килеп чыккан янгын вакытында көнбагышка ут каба. Бүгенге көндә ике очрак буенча да тикшерү эше бара.