Янгын уяулык сорый

Ел башыннан җирлегебездә 17 янгын теркәлгән. Соңгы икесе Мәлләтамак һәм Мөслим авылларында булды. 6 ноябрьдә Мәлләтамакта кыска ялганыш аркасында ихатадагы сарайга ут кабып, шактый зыян килгән. 7 ноябрьдә исә Мөслимнең Вахитов урамында күпфатирлы йортлар ишегалдында торган “Ситроен” машинасы яна башлый. Янгын машинаның төзексез булуы аркасында килеп чыккан. Мөслим һәм Сарман районнары күзәтчелек эшчәнлеге хезмәткәрләре уяулыкны югалтмаска, янгын кагыйдәләрен төгәл үтәргә чакыра.