Янгын турында кисәтү җайланмалары булу мәҗбүри

“Күпбалалы һәм социаль яктан куркыныч гаиләләр, Бөек Ватан сугышы ветераннары, ялгыз яшәүче өлкәннәр, мөмкинлекләре чикле гражданнарның йортларында янгын турында кисәтү җайланмалары булу мәҗбүри. Мондый җайланмалар автоном режимда эшли һәм бинада төтен чыгу турында сигнал бирә. Ел башыннан 47 гаиләгә шундый җайланмалар куелды, янгынга каршы профилактика эшен алып барабыз,” – ди Мөслим һәм Сарман районнары буенча янгын күзәтчелеге бүлеге урынбасары Алмаз Әфләтүнов. Мондый җайланмаларны теләгән һәркем куя ала. Аларның бәясе – 250-300 сум. Мошенникларга алданып, әлеге җайланмаларны 3 мең сумга да сатып алучылар бар.