Янгын турында хәбәр бирүче җайланмалар урнаштырыла

Җирлегебездә яшәү шартлары начар булган аз керемле, күп балалы гаиләләр шактый. Мөслим һәм Сарман районнары буенча янгын күзәтчелеге бүлеге белгечләре әлеге категория гражданнарга янгын турында хәбәр бирүче җайланмаларны беренче чиратта урнаштыра. Янгын турында кисәтүче автоном җайланмалар һәр йортта булырга тиеш. РФ Гадәттән тыш хәлләр министрлыгының ТР буенча дәүләт идарәсе тарафыннан балигъ булмаган балалар һәм өлкән яшьтәгеләр яшәгән йортларга мондый җайланмалар соңгы араларда бик күп куелды. Быел гына да 250 гаиләгә барлыгы 920 данә автоном җайланма куелган.

Фото - Pixabay.com