Мөслим-информ

“Җәяүлеләр кичүе” исемле профилактик чара үтте

Операция барышында җәяүлеләрнең һәм шоферларның юл йөрү кагыйдәләрен үтәүләре аерым контрольгә алынды.

1-9 ноябрь көннәрендә Татарстан Республикасы буенча “Җәяүлеләр кичүе” исемле профилактик чара үтте. Операция барышында җәяүлеләрнең һәм шоферларның юл йөрү кагыйдәләрен үтәүләре аерым контрольгә алынды. “Бу чара җәяүлеләр катнашындагы һәлакәтләрне кисәтү максатында даими оештырыла. Җәяүлеләргә тиешле урында юл бирмәгән ике шофер 2500әр сум күләмендә штрафка тартылды. Юлны тиеш булмаган урыннан чыгу очраклары да теркәлде. Биш җәяүлегә административ беркетмә төзелде. Җәяүлеләрне бәрдерү очраклары күп очракта тәүлекнең караңгы вакытына туры килә, махсус яктырткыч элементлар кулланырга онытмасагыз иде”, – дип хәбәр итә Мөслим районы буенча ДАИ бүлеге өлкән инспекторы Феликс Мәгьданов.

Нравится
Поделиться:
Реклама
Реклама
Реклама
Комментарии (0)
Осталось символов: