Ял көннәрендә районда 8 юл-транспорт һәлакәте булган

Шоферлар һава торышы кискен үзгәрүгә үзер булмаган, дип белдерә районның ДАИ хезмәткәрләре. "Узган атнаның җомга-шимбә-якшәмбе көннәрендә генә дә җирлегебездә 8 юл-транспорт һәлакәте теркәлде. Машиналарның барысы да техник зыян алды. Аварияләрнең сәбәпчесе - дөрес сайланмаган тизлек, җәйге машина тәгәрмәчләре, - ди ТР Дәүләт автоинспекциясенең Мөслим бүлеге начальнигы Айнур Хәйретдинов. - Караңгы вакытта җәяүлеләрнең киемендә кире яктырткычлар (отражательләр) булырга, тиешле урында гына юлларны кисеп чыгарга, ә рульдәгеләр дөрес тизлекне сакларга, юлларда үзара ихтирамлы һәм игътибарлы булырга онытмасыннар иде".