Фәрит Гыйлфанов, "Намус" агрофирмасы җитәкчесе: "Яңа елга һәркем яңа өметләр белән керә. Алдагы елда барчабызның бусагасын сөенеч-шатлык кына атлап керсен! Имин көннәр, хәерле еллар килсен!" Алмаз Сәхипгәрәев, КФХ җитәкчесе: "Бәйрәмнәрне бәрәкәтле табыннар, күңел тынычлыгы бизи. Һәркемгә җан рәхәтлеге, күңел көрлеге телим! Гаиләләрдә татулык, хөрмәт, ярату яшәсен!" Рәзинә Габидуллина, гаилә фермасы...
Фәрит Гыйлфанов, "Намус" агрофирмасы җитәкчесе:
"Яңа елга һәркем яңа өметләр белән керә. Алдагы елда барчабызның бусагасын сөенеч-шатлык кына атлап керсен! Имин көннәр, хәерле еллар килсен!"
Алмаз Сәхипгәрәев, КФХ җитәкчесе:
"Бәйрәмнәрне бәрәкәтле табыннар, күңел тынычлыгы бизи. Һәркемгә җан рәхәтлеге, күңел көрлеге телим! Гаиләләрдә татулык, хөрмәт, ярату яшәсен!"
Рәзинә Габидуллина, гаилә фермасы җитәкчесе:
"Сәламәтлек телим һәрбарчабызга. Сәламәтлек булса, эшләр гөрләп бара. Еллар имин булсын! Әтәч елы һәр гаиләгә көтелмәгән куанычлар алып килсен! Бәхеткә күмелеп яшик!"
Моряк Йосыпов, районның Иҗтимагый совет рәисе:
Мөслим халкын Яңа ел белән тәбрик итәм! Районыбыз казанышларына чын күңелдән сөенеп, 2017 елда барыгызга да иҗтимагый активлык телим.
Дөньялар тыныч, имин булсын!
Иң мөһим һәм кызыклы язмаларны Татмедиа Telegram-каналында укыгыз
