Мөслим-информ

Волонтерлар мөмкинлекләре чикле райондашларыбызга кунакка йөри

Шушы көннәрдә "Мизгел" яшьләр үзәге "Волонтер" хәрәкәте егет-кызлары белән берлектә районыбызда яшәүче мөмкинлелкәре чикле булган балалар янына барды. "Маяк" халыкка социаль хезмәт күрсәтү үзәгенең гаилә һәм балалар белән эшләү бүлеге хезмәткәрләре катнашында алар Олы Чакмактан Ислам Җиһангиров, Сал. Муханнан Зәйнәп Вәлиева белән таныштылар.

Очрашу вакытында волонтерлар балалар белән төрле рәсемнәр ясады, кызыклы уеннар оештырды. Арыслан киемен киеп килгән волонтер аеруча Исламның күңеленә хуш килде, диләр чарада катнашучылар.

Мөслим яшьләре катнашында мондый очрашулар алга таба да дәвам итәчәк. Социаль хезмәт күрсәтү бүлеге белгечләре белән берлектә бу чара мөмкинлекләре чикле булган балаларның аралашу теләген арттыру, аларның ялын күңелле итү максаты белән оештырыла.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: