Виктор Демидов: төзәтмәләрнең төп максаты — гражданнарыбызның тормыш сыйфатын күтәрү

Конституциягә төзәтмәләр буенча гомумроссия тавыш бирү-безнең ил өчен мөһим тавыш бирү, аның максаты - гражданнарның тормыш сыйфатын арттыру. Мондый фикерне ТР буенча баш федераль инспектор Виктор Демидов тавыш бирү вакытында белдерде.

“Шәхсән минем өчен барлык төзәтмәләр дә мөһим әһәмияткә ия, шуңа күрә мин тавыш бирергә килдем", — диде Демидов.

Ул билгеләп үткәнчә, Конституциягә төзәтмәләр буенча гомумроссия тавыш бирү — ил өчен иң мөһим тавыш бирү. Төп документтагы үзгәрешләрнең төп максаты – гражданнарыбызның тормыш сыйфатын һәм тормыш дәрәҗәсен күтәрү.

"Төзәтмәләрнең иң мөһим блогы гражданнарның социаль, хезмәт хокуклары гарантияләре иң югары дәрәҗәгә күтәрелүе", - дип белдерде ТР буенча баш федераль инспектор.

Илнең төп законына үзгәрешләр кертүгә барлыгы 2,9 млн татарстанлы үз фикерен белдерә ала. Шул ук вакытта тавыш бирүдә катнашуның төрле формалары каралган.

Тулырак мәгълүмат: https://www.tatar-inform.ru/news/politics/30-06-2020/viktor-demidov-osnovnaya-tsel-popravok-povyshenie-kachestva-zhizni-nashih-grazhdan-5753123