Урып-җыю дәвам итә

Зур мәйданнарда көнбагыш иккән хуҗалыклар бу көннәрдә аның уңышын җыя. “Намус” агрофирмасында 4040 гектарда үстерелгән майлы культураны суктыруга өч көн элек керешкәннәр иде. Бүгенгә барлык мәйданның 10 процентында уңыш җыеп алынган. Әлегә һәр гектардан уртача 19 центнер уңыш чыга. Басуда сигез комбайн хәрәкәт итә. Көнбагыш ташуга җитәрлек КамАЗ машиналары һәм тракторлар җәлеп ителгән. Урып-җыю эшләре ике сменада оештырылган. Намуслылар һава торышы мөмкинлек биргәндә 14-15 көндә уракны төгәлләүне максат итеп эшли.