Умартачылар киңәштеләр, булган проблемаларны уртага салып сөйләштеләр

Иске Вәрәш авылы янында урнашкан Әсһәр Җәләев умарталыгында семинары узды. Аны районның умартачылык буенча дәүләт инспекторы Мәрьям Саламаева алып барды. Чарада көнүзәк мәсьәләләр күтәрелде, киләчәккә планнар билгеләнде. Район ветеринария берләшмәсе табибы Флүр Мортазин кортларны төрле авырулардан дәвалау турында киңәшләрен җиткерде. Авыл хуҗалыгы һәм азык-төлек идарәсе җитәкчесе Альберт Хуҗин умартачыларны киңәшләшеп эшләргә, бер-берсенә ярдәм итәргә чакырды. Семинарда катнашучылар эш тәҗрибәләре белән уртаклаштылар, үзләрен кызыксындырган сорауларга җаваплар алдылар.