Укучыларыбыз яза. Бар иде яшь чаклар 

Яңа елны яшь чакта аеруча күңелле итеп каршы ала идек. 1972 елгы бәйрәм аеруча истә калды. ВЛКСМ райкомында оештыру бүлеге җитәкчесе булып эшләгән вакытлар. Комсомол вожаклары, бергә җыелып, Яңа елны Венера һәм Алмаз Хәйруллиннарда каршы алдык. Барыбызның да яшь чак. Бәйрәмне күтәренке рух, яңа идеяләр белән каршыларга иртәннән үк әзерләндек. Уен-көлке, җыр-бию тынып тормады. Алты пар утырдык. Илгиз Низамов – Кыш бабай, Венера Хәйруллина Кар кызы булды. Венера ул вакытта укучы комсомоллар белән эшли иде – аның укучылары да, бәйрәм белән котлап, өйгә килеп керделәр. Күчтәнәчкә ул заманнарда бик дефицит булган мандарин алып килгәннәр иде. 

Моряк Йосыпов. 
Мөслим.