Укучыларыбыз иҗаты. Дүртьюллыклар

*** 
Озата юлга көн саен 
Авылым балаларын. 
Мәктәп ябу – кисүгә 
тиң 
Мәчет манараларын. 

*** 
Яшәешне билгеләүче 
Зирәкләр туа сирәк. 
Зирәкләр биргән 
акылны 
Күңелдә саклау кирәк. 
*** 
Караңгы төн. 
Берьялгызым. 
Шомлы бөтен тирә-юнь. 
Акылым янә кисәтә 
Бергә яшәү кирәген. 

*** 
Мулласыз мәчет утыра 
Авылым уртасында. 
Мәктәп ябык. Юк бит 
хәзер 
Бала укытасы да. 
*** 
Бәрәңге әрчү бәйгесе. 
Әхмәтҗан бүләк алган. 
Кул көрәше ярышында 
Хатыны батыр калган. 

*** 
Кашы кара, буе зифа, 
Юк килмәгән җирләре. 
Бер дистәгә тула инде 
Барып кайткан ирләре. 

*** 
Изге җанлы иман белән 
Каршылый үлемен дә. 
Үзе китә, яши һаман 
Исәннәр күңелендә. 

*** 
Авыр иде йөкләребез, 
Йөрдек еракка. 
Кулымда камчы булса да, 
Сукмадым атка. 


Ягсуп Мортазин. 
Бөгелмә.

Фото-Pixabay.com