Мөслим-информ

Транспорт салымын түләүдән азат ителүчеләр категориясенә кемнәр керә?

Федераль салым хезмәтенең ТР буенча 11 санлы районара инспекциясе Россия Федерациясе Салым кодексы (361.1 маддә) нигезендә, 2015 елдан башлап, физик затлар өчен транспорт салымы түләүдән азат итүче салым ташламасы каралуы турында хәбәр итә. Транспорт чарасының рөхсәт ителгән максималь массасы 12 тонна, тәләү алу системасының транспорт чаралары реестрында теркәлгән булуы шарт.

Салым ташламасы:

а) салым түләүдән тулысынча азат итү рәвешендә - гомуми кулланыштагы федераль әһәмияткә ия автомобиль юлларына китерелүче зыянны каплау хисабына кертелгән түләү (алга таба - түләү) әлеге салым чоры өчен салым суммасына тигез яисә артык булган очракта;

б) салымны түләү суммасына киметүче салым вычеты рәвешендә - салым әлеге салым чорында түләнгән түләү суммасыннан арткан очракта.

Ташламадан файдалану өчен, физик зат үзе сайлаган салым органына салым ташламасы сорап гариза һәм салым ташламасына хокукны раслаучы документлар (мәсәлән, www.platon.ru cайтындагы шәхси кабинетыннан алып басылган тиешле салым чоры өчен расчет язуы торышы турындагы мәгълүмат) тапшыра (шул исәптән www.nalog.ru сайтындагы салым түләүченең шәхси кабинетыннан файдалана ала).

Салым ташламасы турындагы гаризаны 1 майга кадәр тапшырырга тәкъдим итәбез. Тулырак мәгълүматны Россия Федераль салым хезмәте Бердәм контакт-үзәгенең бушлай телефоны аша (8-800-222-22-22) яисә www.nalog.ru сайтыннан алырга мөмкин.

Федераль салым хезмәтенең ТР буенча 11 санлы районара инспекциясе.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: