ТР Роспотребнадзор: Татарстанда "удаленка" га күчү турында гомуми таләп юк

Татарстанда читтән торып эшләргә яки дистанцион белем бирүне кертергә җыенмыйлар. Бу хакта бүген  Роспотребнадзорның ТР буенча идарәсе җитәкчесе урынбасары Любовь Авдонина сөйләде.
«Авырулар саны көтелмәгән характерда түгел. Шуңа күрә сүз нинди дә булса коллектив, предприятие, оешма эше турында бара, килеп туган хәлдән чыгып хәл ителә. Әгәр җитәкче шундый карар кабул итә икән, ул аны кабул итә ала», — дип билгеләп үтте ул.
Авдонина билгеләп үткәнчә, дистанцион белем алуга яки читтән торып эшкә күчү турында гомуми таләп юк һәм планлаштырылмый.