“Тормыш тамчысы” акциясе үтте.ФОТОРЕПОРТАЖ

2004нче елның беренче сентябрендә Беслан шәһәрендә булган аяныч вакыйгаларны хәтерлисездер. Белеп көненә багышланган бәйрәм вакытында, мәктәпне террорчылар тоткынлыкка алып, 1116 кешене өч көн буе ябып тотты. Кешеләрне азат итү махсус операциясе вакытында барысы 314 кеше, шул исәптән 186 бала үлә, 783 кеше тән җәрәхәтләре ала. Шушы вакыйгаларны искә алу һәм террорчылыкны булдырмау максатыннан, бөтен ил буйлап бүген “Тормыш тамчысы” акциясе үтте. Мөслимдә аны “Мизгел” яшьләр үзәге, яшьләр белән эшләү һәм спорт бүлеге оештырды. Анда мәгариф хезмәткәрләре һәм мәктәп укучылары катнашты. Акциядә катнашучылар, өч көн буе сусыз тилмергән Беслан корбаннарын искә алу нияте белән, чәчәкләргә учлап су сипте.

Динар Нуретдинов фотолары.