"Тонировкасыз Татарстан" операциясе бара

Республика күләмендә, шул исәптән безнең районда да 18 сентябрьдән "Тонировкасыз Татарстан" операциясе башланды. ЮХИДИнең контроль төркемнәре машина тәрәзләре тонировкаланган шоферларны тоткарлап кына калмаячак, кара пленкалар шунда ук салдырылачак, ә шоферларга админстратив беркетмәләр төзеләчәк. "Кара тәрәзәле машиналарга кагылышлы кагыйдәләр инде күптән гамәлгә кертелүгә карамастан, аларга игътибар итмәүчеләр һаман очрап тора. Ә бит аның өчен кырыс җәза каралган. Әгәр дә полиция хезмәткәрләре машина хуҗасын "тонировка" өчен кабат туктата икән, аны 15 тәүлеккә төрмәгә утыртып куярга мөмкиннәр", - ди Мөслим районы буенча ДАИ начальнигы Айнур Хәйретдинов.