Реклама
Яңалыклар
Тәмлетамак. Ләйсәниядән – җиләк-җимеш пирогы
Җәй көне хуҗабикәләр җиләк-җимеш пироглары пешерүгә өстенлек бирә. Мөслимдә гомер итүче Ләйсәния Шабаевадан бик тәмле пирог рецеп¬тын тәкъдим итәбез.
Камыр өчен 100 грамм ак май, 1 йомырка, 3 аш калагы шикәр комы, ярты чәй калагы көпшәкләндергеч, 1 стакан он кирәк.
Эчлек өчен 500 грамм каймак, 200 грамм шикәр комы, 3 йомырка, 3 аш калагы крахмал, бер кечкенә пакет ванилин алына.
Пирог өчен кирәкле ингредиентларны һәр хуҗабикә үзе чамалыйдыр. Камырның тыгызлыгына, шулай ук формасына карап, он күләмен арттырырга яисә киметергә була. Камыр басабыз да, формага салып, кул белән ян-яннарын тигезлибез. Эчлек агып чыкмасын өчен кыр-кырларын күтәртеп куябыз. Эчлекне әзерләгәнче формадагы камырны 20 минутка суыткычка куеп торабыз. Камыр эченә юып чистартылган карлыган, кура җиләге, яки төше алынган чия салабыз да, алар өстенә эчлекне агызабыз. Мин, гадәттә, чиягә өстенлек бирәм. Пирог 180-200 градус кайнарлыктагы духовкада ярты сәгатьтән әз генә артыграк вакытта пешеп чыга.
Тәмле булсын!
Рубриканы Лилия Шәймиева алып бара.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев