Түбән табын интернат-мәктәбендә хәйрия чарасы үтте

Түбән табын интернат-мәктәбендә 13 гыйнвар көнне бәйрәм хәйрия чарасы үтте. Интернат-мәктәптә тәрбияләнүчеләр өчен кызыклы яңа ел тамашасы куелды. Бәйрәмгә Кыш бабай һәм Кар кызы белән бергә Юлбарыс, Убырлы карчык килде. Балалар үзләре дә концерт номерлары тәкъдим итте, конкурсларда катнашты. Бәйрәмнән соң балаларга баллы күчтәнәчләр тапшырылды. Интернат-мәктәп директоры Илшат Хәбибуллин Әлмәт шәһәре хәйриячеләренә нәтиҗәле хезмәттәшлек өчен рәхмәтләрен җиткерде.