Татарстанда трассада дүрт кеше һәлак булган авариянең нечкәлекләре билгеле булды
Алдан ачыкланганча, «КИА» каршы як хәрәкәт юлына чыгып, «Лада» белән капма-каршы бәрелешкән.
Татарстан юлында дүрт кеше һәлак булган авариянең нечкәлекләре билгеле булды.
«Татар-информ»га ТР буенча Эчке эшләр министрлыгының матбугат хезмәтендә сөйләүләренчә, башлангыч мәгълүматлар буенча, «КИА» автомобиле йөртүчесе каршы хәрәкәт юлына чыгып, «Лада» белән капма-каршы бәрелешкән.
Авариядә дүрт кеше — чит ил машинасын йөртүче, шулай ук «Лада» машинасының 69 яшьлек йөртүчесе һәм аның ике пассажиры һәлак булган.
Урында ЮХИДИ инспекторлары эшли. Һәлакәтнең сәбәпләре билгеләнә.
ТР прокурорының өлкән ярдәмчесе Руслан Галиев агентлыкка хәбәр иткәнчә, вакыйга урынына республиканың Балык Бистәсе районы прокуроры Руслан Шакирҗанов килгән.
Элегрәк «Татар-информ» мәгълүмат агентлыгы хәбәр иткәнчә, бүген Балык Бистәсе — Котлы Бөкәш автомобиль юлында «КИА» һәм «Лада»бәрелешкән. Авария нәтиҗәсендә дүрт кеше һәлак була.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев