Татарстанда коронавирус инфекциясе йоктырган кешеләр саны буенча янә рекорд куелды
Коронавирус белән авыручы яки аны йоктыруда шикләнелгән гражданнар белән аралашкан 7,4 мең кешене табиблар күзәтеп тора.
Татарстанда соңгы тәүлектә коронавирус инфекциясе йоктыруның 135 яңа очрагы ачыкланган.
Россия Кулланучы хокукларын яклау һәм кеше иминлеге өлкәсендә күзәтчелек федераль хезмәтенең (Роспотребнадзор) ТР буенча Баш идарәсе җитәкчесе урынбасары Любовь Авдонина «Татар-информ» агентлыгында узган матбугат конференциясендә шулай дип белдерде.
«22 октябрьгә Татарстанда яңа коронавирус инфекциясе йоктыруның 135 яңа очрагы теркәлде», — дип хәбәр итте спикер.
Шул рәвешле, республикада әлеге вирусны эләктергән кешеләрнең гомуми саны 29 239га җитте.
Коронавирус белән авыручы яки аны йоктыруда шикләнелгән гражданнар белән аралашкан 7,4 мең кеше табиблар күзәтүендә кала. Бер тәүлек эчендә коронавируска 9 мең тест үткәрелгән.
Татарстан сәламәтлек саклау министрының беренче урынбасары Альмир Абашев республикада узган тәүлектә коронавирустан 80 кешенең терелүен әйтте.
Тулырак: https://tatar-inform.tatar/news/health/22-10-2021/tatarstanda-koronavirus-infektsiyase-yoktyrgan-keshel-r-sany-buencha-yan-rekord-kueldy-5841631
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев