Татарстанда Covid-19 дан ике үлем очрагы теркәлгән

Казанда яшәүче 1954 елгы хатын-кыз 12нче номерлы шәхәр клиник хастаханәсе базасында яңа коронавирус йогышы белән барлыкка килгән ике яклы пневмония белән вакытлыча йогышлы госпитальгә китерелә. Халәте йөрәк-кан тамырлары һәм эндокрин системаларының хроник авырулары кискенләшүе аркасында катлаулана. Вирус идентификацияләнгән. Үлемнең сәбәбе аутопсия нәтиҗәсендә билгеләнә.

1934 елгы ир-ат  ике яклы пневмония белән хастаханәгә салына. Хроник авыруларның кискенләшүе нәтиҗәсендә хәле начарлана. Коронавирус йогышы булу лаборатор тикшерү нәтиҗәсендә расланган.

Татарстанда бүген 22 яңа COVID-19 белән авыру очрагы теркәлгән

Барлыгы 5563 кеше дәваланган.

Иң күп авыручы 30дан 60 яшькә кадәр кешеләр (13 кеше).
Татарстан буенча: Казанда – 14, Нурлат районында - 5, Кама Тамагы, Лаеш, Спас районнарында  берешәр очрак теркәлгән.

9 сентябрьгә Татарстанда 6740 COVID-19 очрагы теркәлгән.