Татарстан Иҗтимагый палатасы: Тавыш бирү урыннарында 16,5 мең күзәтүче утыра

Татарстан җәмәгатьчеләре төзәтмәләр буенча тавыш бирүгә 16,5 мең күзәтүче җибәрде. Бу хакта ТР иҗтимагый палатасы рәисе Зилә Вәлиева белдерде.

"Иҗтимагый палатадан барлыгы 16 мең 543 күзәтүче җибәрелгән. Алар тавыш бирүнең барлык этапларында да эш графиклары буенча бүленгән иде. 25 июньнән барлык күзәтүчеләр дә "постта " булдылар", - диде спикер.

"Участокларда алты-җиде кеше эшли. Мин җидешәр күзәтүче булган өч участокта булдым, башка көннәрдә — икешәр-өчәр. Ягъни бүген участокларда тавыш бирүнең башка көннәренә караганда күбрәк күзәтүчеләр бар", - дип аңлатты ул.

Бөтен Россия буенча РФ Конституциясенә төзәтмәләр буенча тавыш бирү бара. Татарстанда 65 территориаль һәм 2,8 мең участок сайлау комиссияләре эшли.

Тулырак мәгълүмат: https://www.tatar-inform.ru/news/politics/01-07-2020/obschestvennaya-palata-rt-napravila-na-golosovanie-16-5-tys-nablyudateley-5753658