Мөслим-информ

Тагын кайтачак

Прививканың икенче катын 10 кеше ясатып өлгергән. 

Хәбәр ителгәнчә, район үзәк хастаханәсенә ел башында Covid-19га каршы 140 доза вакцина кайткан иде. Аның соңгысы кичә 1963 елгы райондашыбызга ясалды. “Гам-КОВИД-Вак” вакцинасы 21 көн аралыгы белән ике этапта кадала. Прививканың икенче катын 10 кеше ясатып өлгергән. 
– Прививканы беренчеләрдән булып медицина һәм бюджет оешмалары хезмәткәрләре ясатса, соңга таба башкалар да мөрәҗәгать итә башлады. Вакцинаның алдагы атнада икенче партиясе кайтуы көтелә. Прививка ясатучыларны күзәтеп торабыз, хәлләре яхшы. Covid-19га каршы вакцинаны 18 яшьтән алып һәркем ясата ала, – ди поликлиниканың өлкән шәфкать туташы Рәзилә Хәбибуллина. 
Табиблар әйтүенчә, бу төр вакцинаны көчле аллергия белән интегүчеләргә, йөрәк-кан тамырлары, яман шеш, йогышлы авырулар белән чирләүчеләргә, инсульт кичерүчеләргә ясатырга ярамый. 
Прививка ясатырга теләүчеләргә участок табибларына мөрәҗәгать итәргә кирәк. Вакциналаштыру ирекле һәм түләүсез булуын да белеп торыгыз. 
Прививкадан соң коронавирус инфекциясенә иммунитет ярты ел дәвамында саклана. Табиблар бу авыру белән чирләгәннәр яки антитәнчекләре булган пациентлар да авыруны кабат йоктырудан сакланырга тиеш дип искәртә.

Фото – "Мөслим-информ" архивыннан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: