Мөслим-информ

Таеп егылмас өчен

Соңгы вакытта көннәрнең бер җылы, бер суык торуы юлларда бозлавык барлыкка китерде. Бозлавыкта таеп имгәнмәс өчен нишләргә соң? Белгечләр гади генә ысуллар тәкъдим итә.

Аяк киеменең табанына лейкопластырь ябыштыру берникадәр ярдәм итә. Лейкопластырьне, 3-4 сантиметр озынлыгында кисеп алып, итек табанына берничә урынга ябыштырыгыз. Дөрес, аның файдасы салкын көннәрдә генә сизелә. Аяк асты җепшек булганда пластырь тиз кубып төшәчәк.
Итек табанына “Момент” җилеме белән зур булмаган киез кисәге ябыштырсагыз, 1-2 атна курыкмыйча йөри алырсыз. 
Киез урынына наждак кәгазе ябыштырсагыз, файдасы 3-4 атнага җитәргә мөмкин. 
Аяк киеме табанына җилем белән бизәкләр ясап киптерсәгез, бозлавыкта 1-2 атна йөрергә була.
Шулай да, итекчегә барып, аяк киеме үкчәсенә полиуретан набойка суктырсагыз, күпкә отышлырак булачак.

Фото – "Мөслим-информ" архивыннан.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: