Велостарт бирелде (фотолар)

“Кояшлы Ык” ял паркында "Табигатьтән шифа" исемле язгы велостарт узды. Санитар-чисталык икеайлыгы кысаларында һәм Әтиләр советы проектын тормышка ашыру максатыннан уздырылган бу чара сәламәт яшәү рәвешен пропагандалап кына калмыйча, балаларны, әти-әниләрне һәм Мөслим халкын күмәкләшеп велосипедта йөрергә чакырды. Мөслим урта мәктәбе укучылары гаиләләре белән әлеге ярышларда активлык күрсәттеләр. Велостартта төрле номинацияләрдә җиңүчеләр дә билгеләнде: Хафизовлар һәм Фазлыевлар гаиләләре – “Иң актив гаилә”, Рөстәм Шакиров – “Ин озын велосипедчы”, Марсель Мостафин – “Иң яшь велосипедчы”, Маргарита Минкина – “Иң өлкән велосипедчы”, 1Б һәм 6Б сыйныфлары – “Иң актив әтиләр, бабайлар сыйныфы” номинацияләрендә җиңүчеләр булды.

Гөлшан Мәүлиева фотосы