Сөйгәненә пычак белән кадаган

Ир белән хатын арасында тавыш чыгып, ире хатынына пычак белән кадаган. “Бу көнне ир белән хатын иртәнге сәгать җидедә үк танышларына кунакка барып бәйрәм итә башлый. Юктан гына низаг чыгып, ир белән хатын өйләренә кайтып китә. Кайту белән ире пычакка үрелә. 1959 елгы хатын-кызга беренче ярдәм күрсәтелгән, бүген аның сәламәтлегенә куркыныч янамый. 1956 елгы ир-атка РФ Җинаятьләр кодексының 115 маддә икенче бүлеге буенча җинаять эше кузгатылды”, – дип хәбәр итә район эчке эшләр бүлегенең уголовный розыск бүлеге җитәкчесе Булат Замалиев.