Мөслим-информ

Сорагыз - җавап бирәбез: туйдыручысын югалту буенча пенсия кемгә билгеләнә?

Закон нигезендә ата-ана хокукыннан мәхрүм ителүчеләр бала белән туганлык фактына нигезләнгән барлык хокукларны югалта. Шул исәптән баладан тәрбия-карау алуга хокукны һәм балалы гаиләләр өчен булган ташламалардан файдалану хокукын да.

Пенсиягә чыкканда да бала өчен булган хокуклары исәпкә алынмый. Аерым алганда, инвалид бала, биш бала тәрбияләп үстергән өчен вакытыннан алда пенсиягә чыга алмыйлар. Мондый ата-аналарга туйдыручысын югалткан өчен пенсия билгеләнми, алар балага билгеләнгән пенсияне алу хокукын да югалта, гәрчә гаилә турындагы законнар нигезендә ата-ана хокукыннан мәхрүм ителү ата-ананы баланы тәрбияләү бурычыннан азат итми. Шул сәбәпле, ата-ана хокукыннан мәхрүм ителүче үлгән очракта, кайсы балага карата хокуктан мәхрүм ителгән, шул балага туйдыручысын югалту буенча пенсия билгеләнә, дип хәбәр итә район пенсия бүлеге.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: