Әскыя Әхметшина үзенең юбилеен билгеләп үтте

Мәлләтамак авылында зур тантана оештырылды. Хезмәт ветераны, "Сүнмәс дәрт" ветераннар клубы әгъзасы, даими хәбәрчебез Әскыя Әхмәтшина 75 яшьлек юбилеен билгеләп үтте. Бәйрәм чарасында район Башкарма комитеты җитәкчесенең социаль-мәдәни мәсьәләләр буенча урынбасары Рушат Солтанов, район мәдәният бүлеге начальнигы Ирек Салихҗанов, район ветераннар советы рәисе Илгиз Низамов, авыл җирлеге башлыгыАйдар Шәйгарданов катнашты. Юбилярга үзешчән сәнгатьтә һәм ветераннар хәрәкәтен үстерүдә актив катнашканы өчен Район башлыгының Мактау грамотасы тапшырылды. Бәйрәм чарасында Мәлләтамак авылында яшәүче, гомере буе үзешчән сәнгатьтә катнашкан Мисхәт Борһанов 65 яшь тулу уңаеннан район мәдәният бүлегенең Мактау грамотасы белән бүләкләнде.