Синоптиклар: Үзәк Россиядә коену сезоны булмаячак

"Фобос" үзәгендә җәйнең һәм җылының бик аз булачагын фаразлыйлар, дип яза "Татар-информ". Үзәк Россия халкы быел кызу җәйне көтеп ала алмаячак. Бу хакта "Фобос" һава торышы үзәге хезмәткәре Евгений Тишковец RT га интервьюда җиткерә. "Минем карашка, Үзәк Россиядә инде җәй булмас. Җылылык та бик аз гына булыр. 25 - 30°C кызулыкны татып булмас инде. Шундый температурада коену сезоны ачылуына ышана алмыйм. Бик кыюлар коенса гына", - дип билгеләп үткән Тишковец. Синоптиклар быелгы июнь аен Мәскәүдәге соңгы 14 ел эчендә иң салкын ай итеп билгеләгән.