Синең улларың, Мөслим! “Исламов” хуҗалыгы уңганы Салават Хәйбрахманов

Салават Хәйбрахманов (рәсемдә) – универсал егет. Иртә яздан “Исламов” крестьян-фермер хуҗалыгы басуларында җир әзерли, сабан культуралары чәчә. Җәен “Megadisk-9000” культиваторы белән пар җирләрен эшкәртүдә катнаша. Салават “Агормастер” компаниясендә эшләп чыгарылган “Т-360” тракторын ышанычлы иярли, смена нормаларын һәрчак арттырып үти. Бу көннәрдә егет “Акрос-530” комбайны белән хуҗалык басуларын иңли. Урак башыннан 350 тонна ашлык суктырырга өлгергән инде. Кыр эшләре төгәлләнгәннән соң С. Хәйбрахманов электр һәм газ белән эретеп ябыштыручы буларак “Агормастер” компаниясе цехында эшли башлый.