Сәхнәдә Мөслим урта мәктәбе үзешчәннәре концерт куйды

"Көн дә бәйрәм, көн дә туй" дигән әйтем бар халкыбызда. Мөслимлеләр бу әйтемне үзләрендә сыныйлар. Көн дә концерт-тамаша. Кичә дә Габдулла Тукай исемендәге Мөслим урта мәктәбе үзешчәннәре концерты булды. Укытучылар бит, ничек бармый каласың! Укытучыларга таләп тә зур - әйбәт, күңелле, гомумән, барысы да тамашачы күңеленә хуш килерлек булсын! Үзләре дә моны яхшы белә, җаваплы карыйлар. Нәтиҗәдә тамашачы канәгать, үзешчәннәр дә шат. Зал тутырып килгән тамашачы үзешчән артистларны концертның башыннан ахырына кадәр алкышлады. Тукайлыларга эшләрендә дә, иҗатта да уңышлар юлдаш булсын!