Ә сез флюорография үттегезме?

2017 елны 11 мең кешегә флюорография үткәрү планлаштырылган булса, бүгенге көнгә 9990 райондашыбыз әлеге процедураны үтте. Бу 91 % дигән сүз. Флюорография тикшеренүләре вакытында 4 кешедә үпкә туберкулезы һәм 14 кешедә яман шеш авырулары ачыкланган. Елга бер үтәргә тиешле әлеге чара үпкә авыруларын вакытында кисәтү һәм дәвалау мөмкинлеге бирә. Калган кешеләр дә ел азагына кадәр флюорографияне узып бетсеннәр иде.