Сак булыгыз!

Яңа ел алдыннан кибетләрдә шартлаткычлар, "утлы уенчыклар" сатыла башлый. Бу - әти-әниләр өчен баш бәласе. "Ачык һавада сатыла торган уенчыклар аеруча да куркыныч . Чөнки аларның сыйфатына зыян килә, юешләнә. Мондый җитешсезлекләр булганда, алар вакытыннан алдан шартлап, балаларның гына түгел, өлкәннәрнең дә бармакларын имгәтергә мөмкин. Утлы уенчыкларны 16 яше тулмаганнарга сату катгый төстә тыела. Петарда, салют һәм башка төр "уенчыкларның" куллану инструкциясе булырга тиеш", - дип хәбәр итә Мөслим һәм Сарман районнары буенча янгын күзәтчелеге бүлеге өлкән инспекторы Ренат Идиятуллин.

Фото - Pixabay.com