Мөслим-информ

Елгабаш сабантуена Раяз Фасыйхов килде (ФОТОЛАР)

Сабантуйлар башланды. Бүген Мөслимдә яшәүчеләр авыл җирлекләрендә узучы сабантуйларда күңел ача.

Елгабаш авылы сабантуе быел да шактый кунакларны үзенә җыйды. 400 еллык юбилеен билгеләп узганнан соң, бу авыл икенче район үзәгенә әйләнде, дисәк тә ялгыш булмас. Һәрелдагыча, биредә сабантуен уздыруда Елгабаш авылы егете, "Алабугагордорстрой" җәмгыяте генераль директоры Рәшит Хәбиров спонсорлык итте.

Кунаклар игътибарына районыбыз үзешчәннәре әзерләгән концрт программасы тәкъдим ителде. Татар эстрадасының популяр җырчысы Раяз Фасыйхов бәйрәмнең матур бүләге булды.

Милли уеннар зур оешканлык белән бара. Җиңүчеләр өчен саллы гына бүләкләр әзерләнгән иде. Бу минутларда сабантуй батыры исеменә көрәшәләр. Мөслимлеләр, бәйрәм кунаклары Раяз Фасыйховка кушылып җырлап-биеп күңел ача.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Реклама
Комментарии (0)
Осталось символов: