Рөстәм Миңнеханов бер баланың хыялын чынга ашырды

ТР  Президенты Рөстәм Миңнеханов Нурлатта яшәүче Кириллның хыялын чынга ашырды. Бу хакта Татарстан Президентының матбугат хезмәте хәбәр итә.

Кирилл планшет турында хыялланган, бүген малайга ТР Президенты исеменнән гаджет тапшырдылар. Татарстан Президенты ике баланың хыялын тормышка ашырган иде инде.

Бөтенроссия хәйрия проекты тарафыннан оештырыла торган «Теләкләр чыршысы» акциясенә Россия Президенты Владимир Путин да кушылды. Ул Красная полянаны күрергә хыялланган Ставропольдә яшәүче 10 яшьлек Андрейның теләген чынга ашырды.