Рөстәм Миңнеханов сырхауханәләрне табиблар белән тәэмин итәргә кушты
Татарстан Президенты Рөстәм Миңнеханов Сәламәтлек саклау министрлыгының коллегия утырышында медицина хезмәткәрләре җитмәгән районнарны атады.
«Сәламәтлек саклау өчен кадрлар дефициты, бигрәк тә беренчел звенода, мөһим сорауларның берсе булып кала. Сәламәтлек саклау министрлыгына квалификацияле кадрлар белән тәэмин итүне дәвам иттерергә кирәк», — диде Президент. Лениногорск, Аксубай, Спас, Зәй районнарында табиблар җитмәвен әйтте.
«Район-шәһәр башлыклары да, сәламәтлек саклау хезмәте дә яшьләрне генә түгел, тәҗрибәле кешеләрне җәлеп итүне кайгыртырга тиеш», — диде Рөстәм Миңнеханов.
Президент читтән дә кадрлар җәлеп итәргә кушты. «Республикага килергә теләүчеләр җитәрлек булыр дип уйлыйм. Торак мәсьәләсен хәл итсәк, башка сораулар хәл ителер», — дип белдерде.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев