Рөстәм Миңнеханов күп балалы гаиләләргә дәүләт бүләкләрен тапшырды

Татарстан Президенты Рөстәм Миңнеханов Казан Кремлендә күп балалы ата-аналарны һәм аларның балаларын кабул итте һәм республиканың дәүләт бүләкләрен тапшырды.
"Гаилә институтын ныгытудагы казанышлары һәм балаларны тәрбияләгән өчен “Ата – ана даны“ ордены, шулай ук “Ана даны – Материнская слава“ медальләре тапшырылды», - дип өстәде ул.

Биш бала тәрбияләп үстергән Балтач районыннан Булат һәм Фирая Зыятдиновлар «Ата-ана даны» орденына ия булдылар.

«Ана даны – Материнская слава» медальләренә Апас районыннан Гөлназ Гайнуллина, Кукмара районыннан Сөмбел Гайфетдинова һәм Татьяна Сидорова, Баулы районыннан Елена Козлова, Сарман районыннан Ландыш Нуриева, Тәтеш районыннан Наталья Романова, Азнакай районыннан Гөлнара Фәттахова лаек булдылар. Алар барысы да биш яки алты бала тәрбияли.

Элегрәк ТР Президенты Рөстәм Миңнеханов татарстанлыларны Гаилә, мәхәббәт һәм тугрылык көне белән котлады, чын мәгънәсендә мәхәббәт кешеләрне чын-чынлап бәхетле итә, дип билгеләп үтте.

Тулырак мәгълүмат: https://www.tatar-inform.ru/news/politics/08-07-2020/minnihanov-vruchil-nagrady-mnogodetnym-semyam-v-den-semi-lyubvi-i-vernosti-5755169?utm_source=yxnews&utm_medium=desktop&utm_referrer=https%3A%2F%2Fyandex.ru%2Fnews