Мөслим-информ

Рөстәм Миңнеханов: авылда уртача хезмәт хакы барлык нормаларга туры килергә тиеш

Татарстан Президенты Рөстәм Миңнеханов ТР Хөкүмәте Йортында торак төзелеше мәсьәләләре буенча киңәшмә үткәрде. Ул республиканың барлык районнары белән видеоконференция режимында узды.

Рөстәм Миңнеханов киңәшмәдә катнашучыларның игътибарын авылда уртача хезмәт хакларына юнәлтте. Аерым алганда, кайбер авыл оешмаларында хезмәт хакы билгеләнгән минималь хезмәт хакыннан түбәнрәк.

"Авылда уртача хезмәт хакы барлык законнар белән билгеләнгән нормаларга туры килергә тиеш", - дип билгеләп үтте Татарстан Президенты. 

Бу мәсьәләгә игътибар итәргә кирәк, дип әйтте Рөстәм Миңнеханов. Ул район башлыкларын бу мәсьәләне аерым контрольдә тотарга чакырды.

Моннан тыш, киңәшмәдә ТР Төзелеш министрлыгы башлыгы Фәрит Хәнифов Татарстанда торак төзелеше программалары турында сөйләде. Бүгенге көнгә республикада 387,2 мең кв. метр торак файдалануга тапшырылган. Моннан тыш авылда белгечләрне торак белән тәэмин итү мәсьәләсе карала.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: