Россиядә 10-20 елдан соң паспортлар гамәлдән чыгарга мөмкин

(«Татар-информ»). 10-20 елдан соң Россиядә паспортларны биометрик мәгълүматлар контроле алыштырырга мөмкин. Бу хакта, кешеләрне тану буенча VisionLabs программасын эшләгән компания генераль директоры Александр Ханинга сылтама ясап, "Известия" яза.

«Техник күзлектән караганда, инде бүген үк паспорт һәм башка документларны биометрик мәгълүматларга алыштырырга мөмкин», - ди VisionLabs компаниясенә нигез салучы.

Якын киләчәктә генә гадәти документларның гамәлдән чыгуы икеле. Чөнки законнар һәм инфраструктура моңа әзер түгел әле, дип искәртте Ханин.