Республика юбилеен көмештә мәңгеләштерделәр

Тәңкәнең сул ягында 925 проба (31, 1 грамм чиста көмеш) әйләнештәге - рельефлы сурәттә РФ Дәүләт гербы: милли биюне башкаручы традицион татар костюмнарында яшьләр. Икенче планда-Казан Кремле. Тәңкәнең өске өлешендә Татарстан Гербы лазерлы матерлау техникасында башкарылган, дип хәбәр итә Россия банкының матбугат хезмәте. Тәңкә «пруф» сыйфатында ясалган (яхшыртылган тәңкәләрне чеканка ясау технологиясе).
«Россия Банкының истәлекле тәңкәләрендә Татарстан өчен әһәмиятле вакыйгалар, аның мәдәнияте һәм уникаль архитектура һәйкәлләре чагылыш тапкан. Быел республика оешуның 100 еллыгына багышланган тәңкә чыгарылды, анда шулай ук татар мәдәниятенең бер элементы – халык биюе сурәтләнгән», – дип билгеләп үтте Россия Федерациясе Үзәк банкының Идел – Нократ баш идарәсенең Татарстан Республикасы буенча Милли банкы бүлеге идарәчесе Марат Шәрифуллин.
Төрле елларда Россия Банкы Татарстан һәм Казанга багышланган 20дән артык истәлекле тәңкә чыгарды. Мәсәлән, республика гербы сурәтләнгән «Татарстан Республикасы» тәңкәсе «Россия Федерациясе»тәңкәләр сериясенә керде. «Казан» тәңкәсе шәһәрнең 1000 еллыгына чыгарылган һәм «Россиянең борынгы шәһәрләре»сериясендә тәкъдим ителгән.

Моннан тыш, Казанда узган 2013 елгы Бөтендөнья җәйге Универсиадага, 2015 елда спортның су төрләре буенча дөнья Чемпионатына, 2018 елда Футбол буенча дөнья чемпионатына тәңкәләр чыгарылды. Россия Банкы тәңкәләрендә Казан Кремле, Бөек Болгар, Муса Җәлил исемендәге Татар дәүләт академия опера һәм балет театры, Казан дәүләт университеты һәм Татарстан Республикасының башка истәлекле урыннары сурәтләнгән.