Рекордлы уңыш алалар

Бу көннәрдә агрофирманың 4 комбайны “Скипетр” сортлы көзге бодай басуында хәрәкәт итә. Контроль суктыру нәтиҗәләре күрсәткәнчә, һәр гектардан 60шар центнер уңыш чыга. “Рекордлы уңышка ирешүнең сере – чәчүлек орлыкның яхшы сыйфатлы булуында, агротехник таләпләрне төгәл һәм үз вакытында үтәүдә”, – ди агрофирманың генераль директоры Эмиль Кәшәфетдинов. Комбайннардан ашлык 35әр тонна сыйдырышлы “Флигель” бункер-төягечләренә бушатыла. “Айсон” арбалары ашлыкны басудан аерым урындагы көшелләргә чыгара. Комбайннарга заправка кырда ясала. Янгын сүндерү, техник хезмәт күрсәтү машинасы да агрегатлар янәшәсендә генә.