Районыбызның иң масштаблы проектларның берсе "Кояшлы Ык" ял итү зонасы ачылды

Кичә районыбызда Татарстан Республикасы көненә һәм Мөслим районы оешкан көнгә багышланган чаралар күп булды. Шуларның берсе, иң зур проектларның берсе, республика программасы нигезендә башкарылган "Кояшлы Ык" ял итү паркын ачу тантанасы узды. Паркны ачуда район халкы һәм килгән кунаклар катнашты. Район башлыгы Рамил Муллин, ТР халык язучысы Фоат Садриев, район ветераннар советы рәисе Илгиз Хафизов кызыл лентаны кисеп "Кояшлы Ык" паркын рәсми төстә ачык дип белдерделәр. Бәйрәм чарасы паркта урнашкан амфитеатрда район үзешчәннәр концерты белән дәвам итте.