Район Сәнгать мәктәбе яңа уку елында ишекләрен ача

1 сентябрь көнне яңа ачылган «Курай» паркында Мөслим сәнгать мәктәбе балалары Белем бәйрәмен билгеләп үттеләр. Балаларны котларга социаль-мәдәни үсеш буенча район башкарма комитеты башлыгы урынбасары Рушат Солтанов, мәдәният бүлеге җитәкчесе Ирек Салихҗанов килде. Алар укучыларны яңа уку елы башлану белән котлап, изге теләкләрен җиткерделәр.Балаларны сәнгать дөньясына тарту, вакытларын бушка уздырмыйча үзләре теләгән шөгыльне үзләштерү өчен мәктәптә барлык шартлар да тудырылган. Мәктәптә 7 булек эшли: хореография, жыр, рәсем сәнгате, театр, фортепиано, халык уен кораллары, тынлы уен кораллары бүлеге. Теләгән бала жыр-бию, театр, рәсем сәнгате белэн шөгыльләнә, төрле инструментларда уйнарга өйрәнә ала.