Район прокуроры Фәнис Сәлимов: "Активрак эшләргә кирәк!"
Район прокуратурасы тарафыннан торак һәм коммуналь хезмәтләр өчен "Муслюмово" идарәче компаниясе" ҖЧҖ файдасына бурычлар түләтү хакында суд карарларын башкаруга ачылган башкару производстволары өйрәнелде.
Район прокуроры суд приставларының район бүлеге начальнигыннан әлеге юнәлештәге эшне активрак алып баруын таләп итте. Барлык башкару производстволары буенча да бурычлыларның милкенә, шул исәптән кәрәзле телефоннарына, арест салуга юнәлтелгән чаралар кабул ителмәгән, суд карарларын үтәмәүче бурычлы затларны административ җаваплылыкка тарту турындагы мәсьәлә дә сирәк куела. Моннан тыш, район прокуроры суд приставларына фатирны наймга бирү турындагы һәр факт хакында салым органнарына хәбәр бирергә тәкъдим итте.
Следите за самым важным и интересным в Telegram-каналеТатмедиа
Безнең телеграм каналга кушылыгыз! Телеграм-канал
Нет комментариев