Мослим

Рамазан ае мөбарәк булсын!

Тулы бер ел дәвамында сагынып көтеп алган изге Рамазан ае да килеп җитте. Үзен мөэмин санаучы һәр кеше ошбу Рамазан аен шатланып, шөкер итеп каршылый. Бу айда кешеләргә ачык йөзне кызганмау, мохтаҗларны искә төшерү, ярлыларга шатлык бүләк итү, туганнарыбызның хәлләрен белү, аларны Рамазан ае белән котлау - бик саваплы эшләр.

Кадерле кардәшләрем! Рамазан аеның кадерен белик, вакытларыбызны буш үткәрмик. Рамазан ул - савап сезоны. Рамазанда игелекләр эшләп калмасаң, бик зур ахирәт өлешеннән мәхрүм каласың. Ахирәтнең өлеше ул - җәннәт. Безгә җәннәт өчен бик каты тырышырга кирәк. Чөнки җәннәт бушка бирелми. Аны кәсеп итәргә кирәк. Ничек бу дөньяда йорт яки машина алырга җиңел түгел, шулай ук җәннәтне дә бушка бирмиләр. Нинди генә изге гамәл эшләсәң дә, ул юкка чыкмый. Аллаһы Тәгалә бөтенесен күреп һәм белеп тора, фәрештәләр язып торалар.

Рамазан ае - пакьләнү, гөнаһлардан арыну, кичерү, рухи яктан чистарыну ае.

Мөхтәрәм кардәшләр! Рамазан аен заяга үткәреп, үзебезне бөек хәерлелекләрдән мәхрүм калдырмыйк.

Мөнир хәзрәт Борһанов,

Мөслим районы имам-мөхтәсибе.

Нравится
Поделиться:
Реклама
  • Ярминкә
  • Тарихи вакыйга
  • Көзге чакырылыш
  • Агач утырту – изге эш
  • Әтиләр советы
  • Республиканың иң танылган язучы-әдипләре кунакта
  • “Кояшлы Ык” ял зонасына өмә
  • Автоледи конкурсы
  • ВДВ десантчылар бәйрәме
  • Велойөреш
Реклама
Комментарии (0)
Осталось символов: