Өстәмә ярдәм күрсәтелә

Мөслимдә юл-транспорт һәлакәтләре саны арту сәбәпле, ТР юл һәрәкәте иминлеге идарәсе өстәмә ярдәм күрсәтергә карар кылды. Бу көннәрдә җирлегебездә Казан һәм Яр Чаллы шәһәрләренең ЮХИДИ инспекторлары кизү тора. Узган атнада район территориясендә дүрт юл-транспорт һәлакәте теркәлеп, аларда биш кеше авыр тән җәрәһәтләре алды, бер кеше вафат булды. Юлларда шоферлардан аеруча саклык таләп ителә. "Дөрес тизлек сайлау, юл кагыйдәләрен бозмау аеруча мөһим",- дип искәртә районның ЮХИДИ инспекторы Феликс Мәгъданов.